ಬಾ ಬಾ ಒಲವೇ 

ಬಾ ಬಾ ಓ ಒಲವೇ 

ಬಂಜೆಯೆದೆಯಲ್ಲಿ ಬೆಳೆ

ಹರಿಸು ಹರುಷದ ಹೊಳೆ

ತೊಳೆದು ಬಾ ಕಳೆದು ಬಾ

ಎಲ್ಲ ಕಲ್ಮಶ ಕೊಳೆ

ಸಂಜೆಗೆಂಪು ಮೊಲ್ಲೆ ಕಂಪು

ನಿನ್ನ ದಾರಿಯಲಿ

ಬಣ್ಣ ಹಾಸಿದೆ ಮಣ್ಣ ಸವರಿವೆ

ಎಲ್ಲ ಮೂಲೆಯಲಿ

ಮಳೆಯ ನೀರಲಿ ತೊಳೆದ ಎಲೆಗಳ

ಎತ್ತಿ ಹಿಡಿದಿವೆ ಮರ

ಬರುವ ದಾರಿಗೆ ತಂಪು ಹಾಸಿವೆ

ಕಾಲು ಕಿತ್ತಿದ ಬರ

ತುಂಬು ಹುಣ್ಣಿಮೆ ಚಂದಿರ ತಂಗಾಳಿ

ಇಂಬು ನಿಲಿಸಿವೆ ಹೂ ಬಳ್ಳಿಗೆ ಬೇಲಿ

ಹರಸಿವೆ ಕರೆಸಿವೆ

ನಂದನವನೆ ಇಲ್ಲಿ

                                                          - ಡಾll ಎನ್.ಎಸ್. ಲಕ್ಷ್ಮೀ ನಾರಾಯಣ ಭಟ್ಟ