ರೆಕ್ಕೆಯ ಹುಳು

ರೆಕ್ಕೆಯ ಹುಳುವೊಂದು ಗಕ್ಕನೆ ನಿಂತಿತು

ಎದುರಿಗೊಂದು ಸೊಡರ

ಕಂಡಿತುI ಬಂಗಾರದ ಸದರI

ಉರಿಧಾಂಗI ಸುಖಗಳ ತುದಿಶಿಖರII

ದಳದಳ ಅರಳಿದೆ ಬೆಂಕಿಯ ಹೂವಾ

ತಿರುಗಲಿಲ್ಲ ನದರಾ

ಹಾರಿತುI ಹುಳುವಿನ ಮೈಖಬರಾII

ಏನ ಮಾದಕಾ ಬೆಳಕಿನೀ ಸುಖ

ಕೆರಳತಾವ ಕನಸ

ಕುದ್ದಾವI ಹುಳುವಿನ ಮೈಮನಸI

ಹೆಂಗರೆI ಮರೆತೆನಿಷ್ಟು ದಿವಸII

ಸೂರೆಹೋದವೋ ಮಿರಿಮಿರಿ ಬೆಳಕಿನ

ಸಿರಿಗೆ ನಮ್ಮ ಚಿತ್ತಾ

ವಿರಹಕI ಎದಿಹೊತ್ತಿತು ತುರತಾII

ಈ ಬೆಳಕಿನಾಳ ಅದು ಎಸೆವ ಗಾಳ

ಮೈಸೆಳೆವ ಸೂಜಿಗಲ್ಲಾI

ಬೆನ್ನಿನI ಹುರಿ ಬಿಗಿದವಲ್ಲಾI
ತೊಡೆಯಲಿi ಮಿಂಚು ಹರಿದವಲ್ಲಾII

ಅಂತರಂಗದಾ ಶಾಂತಸಾಗರ

ಕಲಕಿ ಹೋದವಲ್ಲಾ

ಹೊಸ ಧಗೆI ಬಾಯಿ ಬಿಡುವುದಲ್ಲಾII

ಹೊಟ್ಟೆಯೊಳಗೆ ಹೊಸ ಲೋಕವಿಟ್ಟು ಹೊಳೆ-

ದೀರಿ ಕ್ಷಿತಿಜಧಾಂಗ

ಕೈಮಾಡಿI ಕರೆಯತೀರಿ ನಮಗI

ಜೀರ್ಣಿಸI ಲಾರೆವಿಂಥ ಬೆರಗII

ಮುಳುಗಿ ಮುಳುಗಿ ನಾ ಏಳಬೇಕು ನಿಮ

ಬೆಳಕಿನಾಗ ಮೊದಲ

ಇಲ್ಲವೆI ನುಂಗಬೇಕು ನಿಮಗII

ಹಾರಿ ಹಾರಿ ಹೌಹಾರಿ ಏರಿ

ಸರಿಮಿಂಚತಾವ ಸೊಡರ

ಸೊಡರಿನI ಮ್ಯಾಲ ಹುಳದ ನದರ

ಅಡರುವ ಮುನ್ನವೆ ರೆಕ್ಕೆ ಸುಟ್ಟವೋ

ಹುಳಾ ಬಿತ್ತು ಕಳಚಿ

ಒಳಗಿನI ದೀಪ ಬಂತು ಬೆಳಗಿ.

                                     - ಡಾ. ಚಂದ್ರಶೇಖರ ಕಂಬಾರ