ಪೋರಿ ಪೋರ

೧

ಪೋರಿ ನೀನು, ನಾನು ಪೋರಾ

ಮಾರಿ ಕಣ್ಣಿಗೆ ಮರುಳರಾಗಿ

ನೆಚ್ಚಿ ಮೆಚ್ಚಿ ಕೂಡಿದ್ದೇವs

                         ಬೇರೆ ಇಲ್ಲಾ I ಇದ್ದರೆ -

                                                ಶಿವನೆ ಬಲ್ಲಾ.

೨

ಯಾಕ? ಏನು? ಎಲ್ಲಿಗಂತs

ನಾಕು ಮಾತು ಕೂಡಾ ನಾವು

ಒಬ್ಬರಿಗೊಬ್ಬರು ಆಗs

                           ಕೇಳಲಿಲ್ಲಾ I ಉತ್ತರಾ

                                               ಹೇಳಲಿಲ್ಲಾ.

೩

ಹೆಣ್ಣು ಮಣ್ಣು ಹಾsಳಂತs

ಬಣ್ಣ ಕಡೆಬಾಳದಂತs

ಬಾಳುವೀ ಸುಳ್ಳಾಟಂತs

                             ಹೆದರಲಿಲ್ಲಾ I ಯಾರೂ

                                                       ಹೆದರಿಸಲಿಲ್ಲಾ.

೪

ಆಡಿದ್ದೊಂದs ನೋಡಿದ್ದೊಂದs

ಹೂಡಿದ್ದೊಂದs ಕೂಡಿದ್ದೊಂದs

ಬೇರೆ ಮಾತು ನನಗ ನಿನಗs

                        ಗೊತ್ತs ಇಲ್ಲಾ I ಗುಟ್ಟು

                                           ಶಿವನೆ ಬಲ್ಲಾ.

                                - ದ.ರಾ ಬೇಂದ್ರೆ

                                   ' ನಾದಲೇಲೆ '