ಬುಧವಾರ, ಮೇ 11, 2011

ವೀಣಾಗಾನ

ನಾನೆ ವೀಣೆ, ನೀನೆ ತಂತಿ,
ಅವನೆ ವೈಣಿಕ;
ಮಿಡಿದನೆನಲು ರಸದ ಹೊನಲು
ಬಿಂದು ಬಿಂದು ಸೇರಿ ಸಿಂಧು
ನಾದ ರೂಪಕ.

ಭುವನವೆಲ್ಲ ಸವಿಯ ಸೊಲ್ಲ
 ಕವಿಯ ಗಾನ;
ನನ್ನ ನಿನ್ನ ಹೃದಯಮೀನ -
ಕಲ್ಲಿ ಜೇನ ಸೊಗದ ಸ್ನಾನ;
ಅಮೃತ ಪಾನ.

ತಂತಿಯಿಂಚರದಿ ವಿಪಂಚಿ
ರಸ ಪ್ರಳಯಿಸೆ
ನನ್ನ ನಿನ್ನ ಜೀವಮಾನ
ತಾನ ತಾನ ತನನ ತಾನ
ಪ್ರಾಣ ಪುಳಕಿಸೆ.

                    - ಕುವೆಂಪು
                     ' ಪ್ರೇಮ ಕಾಶ್ಮೀರ '

2 ಕಾಮೆಂಟ್‌ಗಳು:

Ananda_KMR ಹೇಳಿದರು...

ಕನಸು,
ನಿಮ್ಮ ಬಳಿ ಈ ಪದ್ಯ ಇದ್ರೆ ನಿಮ್ಮ ಬ್ಲಾಗ್ ನಲ್ಲಿ ಪೋಸ್ಟ್ ಮಾಡಿ :
ದೀಪವಿರದ ದಾರಿಯಲ್ಲಿ
ತಡವರಿಸುವ ನುಡಿಗಳೇs
ಹೆಸರನಿಡುವೆ ಉಸಿರಕೊದುವೆ
ಬನ್ನಿ ನನ್ನ ಹೃದಯಕೆ

ರಚನೆ ಗೊತ್ತಿಲ್ಲ ....FM ನಲ್ಲಿ ಒಂದ್ಸಾರಿ ಕೇಳಿದ್ದೆ ...ಹಾಡಿರೋರು ಸಿ. ಅಶ್ವಥ್

ಕನಸು.. ಹೇಳಿದರು...

ಖಂಡಿತ ಪ್ರಯತ್ನಿಸ್ತೀನಿ ಆನಂದರವರೆ..